Correoseko LAB, ESK eta ELA sindikatuetatik oso positibotzat jo dugu urriaren 8an Eusko Legebiltzarraren aurrean posta-zerbitzu publikoaren eta Correoseko langileen eskubideen alde egindako elkarretaratzea. Eskerrak eta zorionak mobilizazioan parte hartu zuten lankide guztiei. Borroka da bidea. Gure aldarrikapenak Eusko Legebiltzarrera eramatea lortu genuen, eta gure salaketak oihartzun handia izan zuen komunikabideetan ere. Izan ere, PZUren finantzaketa indartzeko gure eskaeren berri eman zuten, baita langilerik ezaren, Posta Legea betetzearen eta kalitatezko zerbitzu publikoa ziurtatzearen eta Correoseko langileak EPOEn sartzearen berri ere. Era berean, zenbait pertsonaia arduragabek langileen profesionaltasunari eta posta bidezko botoari buruz sortu duten polemikari erantzuteko aukera izan genuen, argi utziz ez dugula onartuko gure lana zalantzan jartzea, eta Correosi exijitu genion langileak defendatzeko eraso horien aurrean. Baina borroka hau hasi besterik ez da egin. Argi geratu ...