LABetik Gizarte Laguntzen proposamenari buruzko hainbat alegazio helarazi nahi ditugu.* Lehenik eta behin, uste dugu gizarte-laguntzetara bideratutako aurrekontua ez dela nahikoa. Gutxienez, KPIaren igoera berean handitu beharko litzatekeela iruditzen zaigu. Zenbatekoak ia bere horretan mantentzeak langileen erosahalmena galtzea dakar, are gehiago kontuan hartuta Euskal Herriko KPIa handiagoa izan dela estatuko beste probintziekin alderatuz. Gardentasunaren mesedetan, enpresari eskatzen diogu laguntza-modalitate bakoitzean zenbat eskaera jaso diren eta horietatik zenbat onartu diren jakinaraz dezala. Eskola-liburuetarako eta eskola-materialerako laguntzei dagokienez, honako aldaketa hauek proposatzen ditugu: * Onuradunen gehieneko adina 24 urtetik 26 urtera igotzea. * Errenta-muga eguneratzea. Gaur egun 24.914,52 eurotan dago ezarrita, iazko kopuru bera izanik, eta ez da kontuan hartu urte honetako urtarrilean aplikatutako soldata-igoera. * Itunpeko ikastetxeetako ikasleak ere lagu...