Epaitegien aurrean mobilizatuko gara ostiralean, emakumeentzat justizia aldarrikatzeko

Agerraldi bat egin dugu Bilbon, azaroaren 25ari begira antolatu ditugun ekimenak aurkezteko, hots, Emakumeenganako Indarkeriaren Kontrako Nazioarteko Egunerako deitutako mobilizazioen berri emateko, ostiralean gauzatuko ditugunak. Era berean, Emakumeen Kontrako Indarkeriaren Epaitegien egoera jasotzen duen txosten bat osatu dugu, eta horren aurkezpena egin dute LABeko Zehar lerrotako arduradun Arantza Vazquezek, Idazkaritza Feministako idazkari Eli Etxeberriak, sindikatuko Justiziako arduradun Alaitz Jauregik eta Loreto Cabo delegatuak. Egoeraren diagnostikoa ez ezik, hutsuneak konpontzeko proposamenak ere planteatu ditugu txostenean.

Azaroaren 23an, ostiralarekin, egingo ditugu mobilizazioak, "Epaitegietan emakumeontzat Justiziarik ez ¡No a este sistema que nos maltrata!" leloarekin. Hala, epaitegietan mobilizatuko gara, ondoren, mugimendu feministaren deialdiekin bat egiteko. Hauek dira sindikatuak deitutako protestak, epaitegietan: Bilbon, 10:30ean; eta Donostian, Gasteizen eta Iruñean, 11:00etan..........

http://www.lab.eus/es/areas/mujeres/azaroak-25/8213-epaitegien-aurrean-mobilizatuko-gara-ostiralean-emakumeentzat-justizia-aldarrikatzeko