IRENE LANKIDEA HERIOTZARA ERAMAN DUEN LAN-ISTRIPUA DELA ETA KONTZENTRAZIO-DEIALDIA

Lehenik eta behin gure doluminak eta elkartasuna agertu nahi diegu Irene H.M.-ren familiari eta lagunei. Hain zuzen, aldi baterako langile honek motorra gidatzen zuen, eta Jundizko industri poligonoan zendu zen korrespondentzia banatzen ari zela. Oraindik ez dakigu nola gertatu zen istripua, eta udaltzaingoa argiketa lanetan ari da.

Bigarrenik, gure lankidearen heriotzak, beste arrazoi batzuen artean, berriro salaketa bat egitera behartzen gaitu langileak jasaten ari diren lan-zama eramangaitzak, pertsonalaren murrizketa etengabeak eta banaketako sekzioak gehitzen ari direlako; hala nola, aldi baterako pertsonalaren formazio eza,  bereziki motordunak, kontratu motzak, edo egun gutxikoak, nahiz eta lanpostu huts libreak hamarnaka diren eta, jakina, lan-ezegonkorra gaitz bihurtu da Correosen.

Enpresa-batzordetik saiatu gara sindikatu guztien artean adosten erantzun bateratu bat emateko. Zoritxarrez ez da posible izan, eta CCOOek adierazi digu bere kabuz emango duela erantzuna.

Beraz, gainerako sindikatuok, UGT - LAB - ESK - ELA, Arabako gehiengo sindikala garelarik, kontzentrazio batera deitzen dugu Correoseko Bulego Nagusiaren aurrean, Postas 9 zbk. Kalean, abuztuaren 31an, ostiralean, 19:30etan.

Gure kexa eta familiarekiko elkartasuna kalean azaldu nahi dugu, plantila osoa kontzentraziora agertu dadin gonbidatuz.

BESTERIK EZ DADILA GERTATU!

PREKARIETATEA HILTZAILEA DA!

UGT      LAB      ESK      ELA

Gasteiz, 2018ko abuztuaren 29a